کہوٹہ (ملک محمو د اختر سے)

برطانیہ میں مقیم90 سالہ بزرگ شہری علی اختر ولد نتھو خان سہوٹ حیال نے اوورسیز پاکستانی کمیشن میں درخواست دی ہے کہ میرا چھوٹا بھائی عبدالعزیز ولد نتھو خان اور اسکا بیٹا طاہر عزیز ولد عبدالعزیز اور دوسرے بھائی کے بیٹے اسد عزیز ولد عدالت حسین، انصر عزیز ولد عدالت حسین، امجد عزیز ولد عدالت حسین سہوٹ حیال نے میری وراثتی زمین پر قبضہ کر رکھا ہے دس سال پہلے معززین علاقہ نے حد بندیاں کروا دی تھیں مگر چند برس پہلے جب میں نے ان حد بندیوں کو پتھر لگا کر پختہ کرنا چاہا تو مجھے سنگین دھکمیاں دی گئیں درخواست گزار علی اختر ولد نتھو خان نے یہ مؤقف ظاہر کیا کیونکہ انکا کوئی بیٹا نہیں چار بیٹیاں ہیں جن نے نام پہلے ہی وہ اپنی وراثتی زمین کروا چکے ہیں مگر انکے بھائی اور بھتیجے انکو قبضہ دینے کے لیے راضی نہیں درخواست گزار نے یہ بھی کہا کہ میرا بھائی اور بھتیجے بھٹہ خشت کا کاروبار کرتے ہیں میری وراثتی زمین سے لاکھوں روپے کے درخت کاٹ لیے اور زمین سے مٹی اٹھا کر جگہ جگہ گڑھے بنا دیے کیونکہ انکاتعلق مسلم لیگ ن سے ہے اور شاہد خاقان عباسی کے قریبی ساتھی ہیں جسکی وجہ سے وہ مجھے میرے حق سے محروم کرنا چاہتے ہیں انھوں نے کہا کہ گزشتہ ڈی ایس پی کہوٹہ کے پاس انکوائری کے لیے بلوایا گیا ہے مگر اسد عزیز ولد عدالت حسین کا کہنا ہے کہ اس کے پاس شاہد خاقان عباسی کا ووٹس ایپ وائس میسج ہے اسکا کوئی کچھ نہیں بگاڑ سکتا اور انکوائری میں نہ پیش ہونے کا دعوٰی بھی کر رہا ہے۔
اسکے علاوہ میرے والد کو سرگودھا میں فوج کی طرف سے مربع الاٹ ہوا تھا اسکے ٹھیکے کے پیسے بھی نہیں دیے جاتے اور محکمہ مال سے ساز باز کر کہ میری ولدیت بھی تبدیل کروا دی گئی ہے اور ایک نوسرباز محمد سفیر ولد رحمت دین جسکا کام ہی لوگوں کی زمینوں پر قبضہ کرنا ہے کے زریعے عدالت سے حکم امتناعی لے رکھا ہے تاکہ میں اپنی جائیداد اپنی بیٹیوں کے نام نہ کر سکوں اور میری وفات کے بعد انکو کچھ فالتو حصہ مل سکے۔ علی اختر ولد نتھو خان کا کہنا ہے کہ مجھے انصاف چاہیے انھوں نے اعلٰی حکام سے انصاف کی اپیل کی ہے۔