اڈیالہ(نامہ نگار) پاک چینی دوستی شہد سے زیادہ میٹھی اور سمندر سے زیادہ گہری ہے مشکل وقت میں پاکستان کو کرونا ویکسین فراہم کر کے ایک عظیم دوست ملک ہونے کا ثبوت دیا چائینز سکول کا قیام خوش آئند ہے معیاری تعلیم وقت کی ضرورت ہے ان خیالات کا اظہار سابق چیئرمین یوسی دھاماں سیداں چوہدری عمران الیاس نے اڈیالہ روڈ پر قائم چائینز سکول پاتھیئے گھر کی سالانہ تقریب تقسیم انعامات سے خطاب کرتے ہوئے کیا اس موقع پر سکول کے چیف ایگزیکٹو عبدالمتین ہاشمی نے کہا کہ چائینز پاکستان کی آفیشل زبان بننے والی ہے اور دنیا بھر میں بھی یہ زبان اہمیت کی حامل ہے ہم اپنے سکول میں چینی زبان کو لازمی مضمون کے طور پر پڑھاتے ہیں تقریب میں سکول کے ننھے بچوں نے ٹیبلو پیش کیے اور حاضرین سے خوب داد وصول کی تقریب میں سابق ممبر ضلع کونسل مس بشری عنصر ،چیئرمین پوٹھوہار ینگ جرنلسٹ ایسوسی ایشن بابراورنگزیب چوہدری، صدر انوار الحق مغل، جنرل سیکرٹری محمد نعمان سلہری سمیت چائینز پروفیسروں نے شرکت کی اور سکول کے بچوں میں انعامات تقسیم کیے