نااہلی فیصلہ، جہانگیر ترین پارٹی عہدے سے مستعفی

0

اسلام آباد (ڈاکٹر سید صابر علی ،بیوروچیفِ پوٹھوار لنک ڈاٹ کام )عدالتی فیصلے کے بعد جہانگیر ترین نے سیکرٹری جنرل تحریک انصاف کے عہدے سے استعفیٰ دے دیا۔جہانگیر ترین کا کہنا ہے کہ عدالتی فیصلے پر سرتسلیم خم کرتا ہوں، اخلاقی طور پر میرا پارٹی عہدہ رکھنا مناسب نہیں، امید کرتا ہوں عمران خان میرا استعفیٰ قبول کرلیں گے۔پی ٹی آئی رہنما کا کہنا تھا کہ انہوں نے عمران خان سمیت سخت احتساب کا سامنا کیا اور دونوں سرخرو ہوئے، نااہلی تکنیکی بنیادوں پر ہوئی ہے۔ان کا مزید کہنا تھا کہ مجھے اپنی سیاسی زندگی اور تحریک انصاف پر فخر ہے۔جہانگیر ترین نے کہا کہ عمران خان کی قیادت اور دوستی اثاثہ ہے جو مرتے دم تک برقرار رہے گی۔ ان کا کہنا تھا کہ عمران خان کے ساتھ مل کر تحریک انصاف کوسب سے بڑی سیاسی قوت بنایا ہے۔

Share.

Comments are closed.